早前一名十五歲少女接私影慘遭殺害棄屍，案件轟動全港，社會關注私影模會否再有人受害，亦令業界一片風聲鶴唳。本報訪問多位模，從她們口中得知私影圈中早已混雜一批有特殊癖好的龍友，有人會向模索口水，取絲襪或內褲，午夜致電呻吟，更會邊影邊除褲邊要求合照，甚至強吻撫摸及當眾手淫。面對這批另類龍友，私影模圈內已提醒業界嚴守八大自保法，亦建議一眾初入行私影少女小心應約，慎防中伏。
Ana Maria
龍友要求買其口水及底褲，拒絕後午夜多次收到呻吟聲來電。
龍友要求買其口水及底褲，拒絕後午夜多次收到呻吟聲來電。
相約模特兒私影的攝影師良莠不齊，部分在她們眼中舉止異常。（設計圖片）
Cherry表示，曾有攝影師要求在她面前自瀆。
Ealies指，不少舉止怪異的攝影師都擁有正當職業，部分更為專業人士。
近日一宗私影模特兒姦殺案，轟動全港。（資料圖片）
「影影吓相，佢突然拎一堆絲襪出嚟，叫我着，影完佢仲話我自己對絲襪都勾爛咗，不如畀埋佢。後嚟先知，原來佢次次影完相，都會問模特兒拎絲襪。」在私影界打滾了三年的索模Ealies表示，模特兒接私影工作前，會先了解對方的背景及攝影作品，部分人看似很正常，但在私影時卻舉止異常。
心軟允穿T-back險被脫
「有個本身做律師，喺影會見咗幾次都無問題，於是應承佢出嚟私影。點知影完佢就除咗條褲，剩番條孖煙囱，仲要走埋光，跟住坐喺床度，要我走上床同佢合照，要我含情脈脈咁望住佢。」即使在影樓一樣出事，會接拍內衣照的Ealies說：「同攝影師講好只影內衣但唔影T-back相，去到佢就變卦要影，話唔會公開啲相。好啦，我心軟換咗，佢竟然走過嚟想拉低我條T-back，我即刻叫停佢，感覺好侮辱。」Ealies稱，旺季時月入可達三萬，曾到酒店接拍內衣照，她自言大膽：「見到攝影師影相靚就想試吓合作。我有方法保障自己，例如對方開價一小時過千元，多數都有問題我唔會接，事前要睇對方相簿，相熟朋友先會去酒店影，定時向親友報平安。」今年二十二歲的Ana Maria表示：「十七歲入行時，有個男人話要幫新餐廳拍宣傳照，拎完我電話號碼後，就開始叫我賣啲口水同底褲畀佢。我唔理佢，佢就成個月打咗差唔多十次嚟，有時半夜打嚟仲發出呻吟聲，最後要轉電話號碼先擺脫到佢。」
圈內設黑名單互提醒
段段經歷令一眾私影少女驚心動魄，她們促同行互相告誡，避免中伏。Ana Maria指，這行靠口碑，攝影師聲譽好才接拍，而私影模特兒Cherry更指圈中流傳一份黑名單：「同行會喺社交群組講番邊啲攝影師有問題，榜上有名嘅一定唔接。」BLOOM Model公司經理人Ceci建議，初入行的模特兒可先參與攝影會活動，了解人脈及運作，而舉辦攝影會機構通常會派多一名職員陪同模特兒，活動相對安全。在私影模特兒圈內亦早有共識，要嚴守八大自保法，當中包括不要隨便與攝影師交換個人資料、拍攝時應有最少一名男性朋友陪同、盡量避免穿上性感服飾、避免到偏僻荒野或私人地方拍攝等。
青協青年違法防治中心督導主任陳文浩指出，私影活動由來已久，雖大部分是正常活動，但攝影師良莠不齊，過去都收到求助，指少女私影時突被要求性交，他提醒私影少女要提高警覺，小心應約，並留於公眾地方拍照，保障自己。
當妓女問價包月六萬元
部分龍友除了拍攝期間「抽水」外，亦有人藉拍攝套取模特兒資料後，大肆性騷擾。同樣是私影模特兒，二十五歲的Cherry更試過於影樓後樓梯被龍友要求在她面前手淫。她形容：「當時影到尾聲，大家去後樓梯傾偈休息吓，佢忽然話頂唔順，可唔可以對住我自瀆，見住佢隻手有動作，我即刻衝番入影樓。事後佢叫我唔好同人講，我哋無再聯絡過。」當時入行不足一年的她嘆道：「嗰時讀緊中五，見對方後生斯文話去影樓，又有好多助手在場，諗住安全先接，點知會發生啲咁嘅事。」
大部分私影模特兒沒有經理人，部分少女將自己的相片及聯絡方法放上討論區及網站，明言歡迎接拍，卻被當妓女問價。Cherry拿出手機：「一日都收到好幾個匿名邀請，直接問你六萬蚊包你一個月，又或幾千蚊出嚟幾個鐘，陪行街食飯得唔得咁。呢啲人都係漁翁撒網，睇吓邊個o靚模肯。」
網上自助約拍增風險
私影模特兒近年湧現，專家分析是因網絡平台興起，少女不用透過中介模特兒公司已可與攝影師接洽工作，吸引不少喜歡被人拍攝的女孩入行。
攝影器材價錢平民化，喜愛拍攝的人多了，對供拍攝的模特兒需求亦增加。城市大學應用社會科學系副教授陳國康指出，私影模特兒行業由來以久，以往一般透過攝影會安排模特兒與攝影師會面，由多位攝影師跟一位模特兒拍攝，惟目前大部分少女已透過網絡討論區相約攝影師。
這批私影少女地位不及高級時裝展模特兒，他認為：「高級時裝展模特兒氣質經過多重挑選及訓練，志在展現時裝美，而這批私影少女未有經挑選訓練，只是行性感，展示胴體，部分更志在搵快錢，未必贏得社會尊重。」
私影少女自保8招
‧ 選擇攝影師前建議先了解對方拍攝目的。
沒有留言:
發佈留言