圖片:Getty Images「驚老細唔批。」「驚辭咗職好難搵工。」「驚個客唔鍾意。」「驚俾人笑。」「驚俾同事唱。」驚驚驚……一路走來，因為「驚」，我們錯過了幾多機會？逗利是的時候，卻不見得有人會「驚佢唔派，都係唔逗喇」。好運，是會被驚到變霉的。像逗利是一樣，只要肯伸手，好少逗不到（至多有人派完藐，甚至藐住派），開運的關鍵不在於等運到靠錦囊，而是要「敢狼」。
某程度上，今時今日的社會幾乎「進化」到連樹都會食人。好地地一個人安分守己排隊，被插隊時提醒打尖者守規矩，反被咬「咩啲人咁唔包容，成日歧視人地咁無教養架」；好地地一個人返工，份糧又會自動被扣起一筆，被花在未必應該花的地方去；好地地一個人想靠自己捱出頭，人工又追不上通脹；好地地一個人進取表現，卻被ban蹺ban到地底裡去……點解嘅？點解嘅？點解會變成咁嘅？長此下去，恐怕好快再沒有人問「點解會變成咁嘅」的了。
李發模是典型打工仔，朝早返工不敢遲到，趕到甩鞋也不敢去執；公事上絕對服從多數，大眾的意願就是他的意願，「風勢」稍一移位即改口風︰「係架係架，我好同意你嘅講法，我都係咁諗」；每當被問到個人意見，他就發揮recap王的本色，將人家提出的原原本本重複一次，包底一句「你啱佢亦無錯，觀點與角度問題。」收工自然也跟大圍，對「收工時間」這個概念愈來愈模糊，彷彿收工是件多麼大逆不道的事。日復日，年復年，直至一天，大家都「合乎社會預期」地跟著羊群走，統統被倒模成李發模……
別再發霉了，醒醒吧！除非閣下存心扮瞓，否則沒理由叫不醒。
新春開運「敢狼」
1/ 敢於追求︰想要甚麼就去追，有想做的工就去搵。車，至多咪唔請，Nothing to lose。
2/ 敢於突破︰覺得環境齷齪，就衝出去搶吸清新空氣。就算外面空氣一樣污濁，至少活得像個人。
3/ 敢於快樂︰你有你費盡心力要我失落，我有我心安理得地快樂。
4/ 敢於擇善固執︰明明是隻鹿，就答「是—隻—鹿。」
5/ 敢於唔埋堆︰一樣米養百樣人，話不投機半句多。
6/ 敢於誠實︰識就識，唔識就唔識。唔識不可恥，可恥的是扮識。
7/ 敢於拒絕︰「不好意思，做不來。」「不好意思，我覺得不合理。」「不好意思，我拒絕。」小時候會說「唔好」，後來又為甚麼認為說「唔好」唔好？
8/ 敢於放手︰有時候，相對於留下來，離開需要更大的勇氣。
一句講晒︰當阿媽連生我們出來都不怕，我們還有甚麼好驚？
沒有留言:
發佈留言